Aaj News

پاکستان اور چین کی اعلیٰ عسکری قیادت کا دفاعی تعاون پر تبادلہ خیال: آئی ایس پی آر

پاک چین کی مسلح افواج کی اپیکس کمیٹی کا اجلاس، پاک چین کا باہمی دفاعی تعاون پر مکمل اطمینان کا اظہار، پاکستانی وفد...
اپ ڈیٹ 12 جون 2022 04:32pm

پاک چین کی مسلح افواج کی اپیکس کمیٹی کا اجلاس، پاک چین کا باہمی دفاعی تعاون پر مکمل اطمینان کا اظہار، پاکستانی وفد کی قیادت آرمی چیف جنرل قمر جاوید باجوہ نے کی۔

آئی ایس پی آر کے مطابق پاکستان کے تینوں سروسز کے اعلیٰ سطحی فوجی وفد نے 9 سے 12 جون تک چین کا دورہ کیا، وفد نے چینی فوج اور دیگر اعلیٰ حکام سے وسیع تر مختلف امور پر بات چیت کی۔

اپیکس میٹنگ میں پاکستانی وفد کی سربراہی آرمی چیف جنرل قمر جاوید باجوہ جبکہ چینی وفد کی قیادت چین کے سینٹرل ملٹری کمیشن کے وائس چیئرمین جنرل ژانگ یوشیا نے کی۔

دونوں جانب سے بین الاقوامی اور علاقائی سلامتی کی صورتحال پر تبادلہ خیال اور دفاعی تعاون پر اطمینان کا اظہار کیا گیا۔

پاکستان اور چین نے اپنی سٹریٹجک شراکت داری کا اعادہ کیا اور باہمی دلچسپی کے امور پر نقطہ نظر کا باقاعدہ تبادلہ جاری رکھنے پر اتفاق کیا۔

آئی ایس پی آر نے کہا کہ دونوں جانب سے تربیت، ٹیکنالوجی اور انسداد دہشت گردی تعاون کو بڑھانے کے عزم کا اظہار کیا گیا۔

china

pak china relations

ISPR

Pak army

Comments are closed on this story.

مقبول ترین