مکہ مکرمہ: دنیا بھر سے آنے والے مسلمانوں کی طرح جسمانی معذور روسی شہری بھی حج کی ادائیگی کے لئے پُر عزم ہے جو عمرہ کی سعادت حاصل کرچکا ہے۔

روس سے تعلق رکھنے والا سیبیر نامی نوجوان ہمت اور حوصلے کی ایسی زندہ مثال ہے جو مکمل جسمانی معذوری کے باوجود فریضہ حج کی ادائیگی کے لئے سعودی عرب پہنچا ہے۔

سیبیر کا کہنا ہے کہ جسمانی معذوری کے باوجود اس کی دلی خواہش تھی کہ وہ حج ادا کرے اور وہ اللہ کا شکر گزار ہے جس نے اسے یہ موقعہ فراہم کیا ہے جب کہ سعودی حکومت کی جانب سے بھی اس کو سہولیات فراہم کی جا رہی ہیں۔

اس کے علاوہ حرم مکہ میں موجود دیگر عازمین حج کی جانب سے بھی روسی نوجوان کی بھرپور ستائش کی جا رہی ہے۔