محکمہ موسمیات کی پیشگوئی کے مطابق شہر میں آج بھی وقفے وقفے سے بارش کا سلسلہ جاری رہے گا۔

گزشتہ روز بارش کے بعد شہر کا موجودہ درجہ حرارت 28 ڈگری سینٹی گریڈ ہے جبکہ 15 کلومیٹر فی گھنٹے کی رفتارسے ہوا چل رہی ہے۔

محکمہ موسمیات نے بتایا کہ دن میں درجہ حرارت 32 سے 34 ڈگری سینٹی گریڈ تک رہے گا جبکہ ہوا کی رفتار 25 کلومیٹر فی گھنٹے ہے۔

دوسری جانب ترجمان کے الیکٹرک نے کہا کہ بارش کے دوران 1,900 فیڈرز میں سے تقریباَ 150 فیڈرز متاثر ہوئے تھے۔

خیال رہے کہ شہر میں سب سے زیادہ بارش گلشن حدید ٹاؤن میں77.7ملی میٹر بارش ریکارڈ کی گئی۔