Aaj News

جمعرات, مارچ 28, 2024  
17 Ramadan 1445  

کیٹی بندر میں سمندری طغیانی، 10 گوٹھ زیر آب، شہروں سے رابطہ منقطع

گذشتہ کئی روز سے جاری برسات نے کیٹی بندر، گھوڑاباری، کھاروچھان کے علاقوں میں تباہی مچادی ہے۔
شائع 15 اگست 2022 04:10pm
کیٹی بندر: سمندری طغیانی کے سبب کئی علاقے زیر آب آگئے۔
کیٹی بندر: سمندری طغیانی کے سبب کئی علاقے زیر آب آگئے۔

ٹھٹھہ: کیٹی بندر تحصیل کے 10 گوٹھ سمندری طغیانی سے زیر آب آگئے، سمندر کا پانی گھروں میں داخل ہوگیا۔

آج نیوز ٹھٹھہ کے نمائندے امر لال کے مطابق گذشتہ کئی روز سے جاری برسات نے کیٹی بندر، گھوڑاباری، کھاروچھان کے علاقوں میں تباہی مچادی ہے جبکہ راستے زیر آب آنے سے لوگ گھروں میں محصور ہو کر رہ گئے ہیں۔

اس حوالے سے ضلع ٹھٹھہ کی انتظامیہ نے کوئی اقدام نہیں اٹھایا اور علاقہ مکین بے یارو مددگار بنے ہوئے ہیں۔ تیز بارش کے سبب سمندری طغیانی آنے سے کیٹی بندر کے کئی گوٹھوں کا سڑکی رابطہ شہروں سے ختم ہوگیا ہے۔

دوسری جانب پی ڈی ایم کی جانب سے علاقے میں لوگوں کی مدد کے حوالے سے کوئی بھی انتظامات نہیں کیے گئے ہیں۔

Comments are closed on this story.

تبصرے

تبولا

Taboola ads will show in this div