Aaj News

حکومت کا پیٹرول کی قیمت میں اضافے کا اعلان

پیٹرول کی قیمت میں 6 روپے 72 پیسے کا اضافہ کیا گیا ہے جس کے بعد پیٹرول کی نئی فی لیٹر قیمت 233 روپے 91 پیسے ہوگئی ہے
شائع 15 اگست 2022 11:55pm
<p>قیمتوں کا اطلاق آج رات 12 بجے سے ہوگا۔ فوٹو — فائل</p>

قیمتوں کا اطلاق آج رات 12 بجے سے ہوگا۔ فوٹو — فائل

وفاقی حکومت نے پیٹرولیم مصنوعات کی قیمتوں میں رد و بدل کا اعلان کردیا۔

وزارت خزانہ نے پیٹرولیم مصنوعات کی قیمتوں میں رد و بدل سے متعلق نوٹیفکیشن جاری کردیا ہے۔

نوٹفیفکیشن کے مطابق پیٹرول کی قیمت میں 6 روپے 72 پیسے کا اضافہ کیا گیا ہے جس کے بعد پیٹرول کی نئی فی لیٹر قیمت 233 روپے 91 پیسے ہوگئی ہے۔

نوٹیفکیشن میں بتایا گیا ہے کہ ہائی اسپیڈ ڈیزل کی فی لیٹر قیمت 51 پیسے کمی سے 244 روپے 44 پیسے پر آگئی ہے۔

اس کے علاوہ مٹی کے تیل کی قیمت میں ایک روپے 67 پیسے کمی جب کہ لائٹ ڈیزل کی قیمت میں 43 پیسے فی لیٹر اضافہ کیا گیا ہے۔

وزارت خزانہ کے مطابق پیٹررولیم مصنوعات کی نئی قیمتوں کا اطلاق آج رات 12 بجے سے ہوگا۔

OGRA

Finance minister

petroleum prices

Comments are closed on this story.

مقبول ترین