معروف سوشل میڈیا اسٹار اور ٹک ٹاکر ناصر خان جان کا علاقہ بھی خیبرپختونخوا میں بارشوں اور سیلاب سے شدید متاثر ہوا ہے،ناصر خان جان نے متاثرین سیلاب کی امداد کیلیے کوششیں شروع کردی۔

ناصر خان جان نے آج ایک ٹوئٹ میں بتایا کہ انہوں نے سالگرہ اور شادی کی مبارکباد دینے والی ویڈیوز کے چارجز 3 ہزار روپے کردیئے ہیں جس کا مقصد سیلاب سے متاثرہ افراد کی مدد کرنا ہے ۔

ناصر خان جان نے گزشتہ دنوں اپنے ٹوئٹ میں بتایا تھا کہ سیلاب کی وجہ سے ہمارے علاقے میں نہ بجلی، پانی اور گیس ہے نہ ہی انٹرنیٹ ہے، صبح سے اب نیٹ آیا ہے۔انہوں نے اپنے لوگوں کیلئے دعاؤں کی اپیل بھی کی۔

انہوں نے مزید لکھا کہ میں نے اپنے علاقے میں ضرورت مند لوگوں کی مدد شروع کی ہے جس میں آپ کا تعاون بھی درکار ہے۔

انہوں نے اپنا ایزی پیسہ اور بینک اکاؤنٹ نمبر صارفین سے شیئر کرتے ہوئے امدادی رقوم کی اپیل کی ہے۔