Aaj News

جمعرات, فروری 29, 2024  
18 Shaban 1445  

سجل علی کی پہلی عالمی فلم میں پاکستانی ثقافت کی جھلک، ٹریلر دیکھیں

فلم آئندہ سال 27 جنوری 2023 کو ریلیز کی جائے گی
شائع 07 ستمبر 2022 09:08pm

سجل علی کی پہلی عالمی فلم ‘واٹس لو گاٹ ٹو ڈو وِد اٹ’ کا ٹریلر جاری کردیا گیا۔

فلم واٹس لو گاٹ ٹو ڈو وِد اٹ کی کہانی عمران خان کی سابقہ اہلیہ جمائما گولڈ اسمتھ نے لکھی ہے جبکہ فلم کی ہدایات بالی ووڈ فلم ساز شیکھر کپور دے رہے ہیں۔

واٹس لو گاٹ ٹو ڈو وِد اٹ’ کے دو منٹ سے بھی کم دورانیے کے ٹریلر میں فلم کے تمام مرکزی کرداروں کو دکھایا گیا ہے جس سے معلوم ہوتا ہے کہ فلم کی کہانی برطانوی لڑکی اور پاکستانی نژاد برطانوی لڑکے کے گرد گھومتی ہے جو نہ صرف پڑوسی ہوتے ہیں بلکہ بچپن کے دوست بھی ہوتے ہیں۔

ٹریلر میں سجل علی کو پاکستانی لڑکی کے طور پر دکھایا گیا ہے جب کہ شبانہ اعظمی کو ان کی والدہ کے روپ میں دکھایا گیا ہے۔

ٹریلر میں گلوکار راحت فتح علی خان کی جھلک بھی دکھائی گئی جو کہ شہزاد لطیف اور سجل علی کی شادی کی تقریب میں پرفارمنس کرتے دکھائی دیں گے۔

فلم کی مرکزی کاسٹ میں پاکستانی اداکارہ سجل علی، بولی وڈ اداکارہ شبانہ اعظمی، عاصم چوہدری، جیف مرزا، مم شیخ، مریم حق اور سندھو وی شامل ہیں۔

رومانس، کامیڈی اور پاکستانی ثقافت سے بھرپور فلم آئندہ سال 27 جنوری 2023 کو ریلیز کی جائے گی۔

Jemima Goldsmith

sajal aly

What's love got to do with it

Comments are closed on this story.

تبصرے

تبولا

Taboola ads will show in this div