فواد خان اور وسیم اکرم کی فلم ‘منی بیک گارنٹی’ کا پہلا ٹیزر جاری کردیا گیا ہے۔

معروف اداکار فیصل قریشی کی ہدایت کاری میں بننے والی فلم میں کئی سپر اسٹارز جلوہ گر ہونے جارہے ہیں۔

فلم میں پہلی بار کرکٹ کی دنیا میں سوئنگ کے سلطان وسیم اکرم اداکاری کے جوہر دکھائیں گے، جبکہ ان کے ساتھ مرکزی کردار میں سپراسٹار فواد خان بھی نظر آئیں گے۔

فلم “منی بیک گارنٹی” کی دیگر کاسٹ میں وسیم اکرم کی اہلیہ شنیرا اکرم، میکال زوالفقار، عائشہ عمر، جاوید شیخ، جان ریمبو، گوہر رشید، حنا دلپزیر ، مانی، کرن ملک اور علی سفینہ شامل ہیں۔

فلم 21 اپریل 2023 کو سینما گھروں میں نمائش کے لیے پیش کی جائے گی۔