Aaj News

بدھ, اپريل 24, 2024  
15 Shawwal 1445  

سیلاب متاثرین کی امداد و تقسیم عمل کو شفاف بنانے کیلئے ڈیجیٹل ڈیش بورڈ تیار

ڈیجیٹل ڈیش بورڈ کے ذریعے عوام اور میڈیا کو ہر لمحہ باخبر رکھا جائے گا۔
شائع 11 ستمبر 2022 06:29pm

وزیراعظم شہبازشریف کی ہدایت پر سیلاب متاثرین کے لئے آنے والی امداد اور اس کی تقسیم کے عمل کو شفاف بنانے کے لئے“ ڈیجیٹل فلڈ ڈیش بورڈ“ تیار کرلیا گیا۔

وزیراعظم آفس سے جاری بیان میں کہا گیا ہے کہ ڈیجیٹل فلڈ ڈیش بورڈ کے ذریعےعوام عالمی، وفاقی اور صوبائی سطح پر آنے والی رقوم اور امدادی سامان کے بارے میں براہ راست جان سکیں گے- اس سے یہ بھی معلوم کیا جا سکے گا کہ یہ امدادی سامان کہاں کہاں تقسیم ہوا۔

ڈیجیٹل ڈیش بورڈ کے ذریعے عوام اور میڈیا کو ہر لمحہ باخبر رکھا جائے گا، وزیراعظم شہبازشریف ڈیجیٹل فلڈز ڈیش بورڈ کی نگرانی خود کریں گے۔

ڈیجیٹل ڈیش بورڈ کا باضابطہ افتتاح پیر کو وزیر منصوبہ بندی احسن اقبال ‘این۔ایف۔آر۔سی۔سی’ میں کریں گے۔

وزیراعظم نے ہدایت کی ہے کہ سیلاب زدہ علاقوں میں خوراک سمیت اشیائے ضروریہ کی فراہمی یقینی بنائی جائے۔

Federal govt

اسلام آباد

Flood Dashboard

Comments are closed on this story.

تبصرے

تبولا

Taboola ads will show in this div