وزیراعلیٰ پنجاب چوہدری پریوز الٰہی نے پاکستان تحریک انصاف لانگ مارچ کی بھرپور حمایت کا اعلان کردیا۔

ایوان وزیراعلیٰ میں چئیرمین پی ٹی آئی عمران خان سے پرویز الٰہی کی ملاقات ہوئی جس میں شاہ محمود قریشی، اسد عمر، اسلم اقبال اور فواد چوہدری شریک ہوئے۔

ملاقات میں مونس الٰہی، عمر سرفراز چیمہ سمیت مسرت جمشید چیمہ اور اعجاز شاہ نے بھی شرکت کی جس میں لانگ مارچ کے حوالے سے انتظامی امور کا بھی جائزہ لیا۔

اس کے علاوہ وزیراعلی پنجاب اور عمران خان کی ون آن ون ملاقات ہوئی جس میں باہمی دلچسپی کے امور، سیاسی صورتحال سمیت پنجاب کے انتظامی معاملات اور لانگ مارچ کے حوالے سے بھی تبادلہ خیال کیا گیا۔