Aaj News

پی ٹی آئی اسلام آ باد و گردونواح میں بندوقیں جمع کرے گی، رانا ثناء

وزیرداخلہ کا آزادی مارچ کو ہر قیمت پر اسلام آباد میں داخلے سے روکنے کا اعلان
اپ ڈیٹ 02 نومبر 2022 08:59am
<p>فوٹو۔۔۔۔۔۔۔ اے پی پی</p>

فوٹو۔۔۔۔۔۔۔ اے پی پی

وفاقی وزیرداخلہ رانا ثناء نے پی ٹی آئی کے حقیقی آزادی مارچ کو ہر قیمت پر اسلام آباد میں داخلے سے روکنے کا اعلان کردیا اور کہا کہ اطلاعات ہیں کہ یہ اسلام آباد اور گردونواح میں بندوقیں اور بندے جمع کریں گے۔

اسلام آباد میں پریس کانفرنس کے دوران رانا ثناء نے کہا کہ آپ اسلام آباد پرحملہ آور ہورہے ہیں ہم کہاں حملہ کررہے ہیں۔

انہوں نے دعویٰ کیا کہ فیصل واوڈا نے عمران خان کی ہدایت پرپریس کانفرنس کی، لاشیں جنازے اور خون ہی خون کی باتیں حکومت کوخوفزدہ کرنے کے لئے تھیں۔

وزیرداخلہ نے آزادی مارچ کے شیڈول میں تبدیلی کا مقصد بھی بتایا، کہا کہ آزادی مارچ میں تاخیر کی وجہ بندوقیں جمع کرناہے جب اسلحہ اوربندے جمع ہوجائیں گے تب یہ اسلام آباد پہنچیں گے، وزیراعظم کو سفارش کردی ہے کہ فورس کو بھی اسلحہ دینے کی اجازت دیں، فسادیوں اور شرپسندوں کوہرقیمت پرروکیں گے ۔

رانا ثناء نے عمران خان پر ضمنی انتخابات میں ووٹ خریدنے کا الزام بھی لگایا اور چیلنج کیا کہ عام انتخابات میں عمران خان کو مقبولیت کا پتہ چل جائے گا ۔

Interior Minister

اسلام آباد

imran khan

Rana Sanaullah

PTI long march 2022

Azadi March Nov2 2022

Comments are closed on this story.

مقبول ترین