Aaj News

ہفتہ, اپريل 20, 2024  
11 Shawwal 1445  

نائن ایم ایم نہیں، خودکار ہتھیار سے فائرنگ ہوئی، فواد چوہدری

پی ٹی آئی رہنما کا حملے کا بدلہ لینے کا اعلان
اپ ڈیٹ 03 نومبر 2022 07:40pm
اسکرین گریب
اسکرین گریب

پی ٹی آئی کے رہنما فواد چوہدری نے کہا ہے کہ عمران خان کے قتل کے لیے باقاعدہ منصوبہ بندی کے ساتھ کوشش ہوئی اور قاتل عمران خان اور پی ٹی آئی کی قیادت کو مارنا چاہتا تھا۔

حملے کے دو گھنٹے بعد ایک ٹوئیٹ میں فواد چوہدری نے کہاکہ یہ نائن ایم ایم (کا ہتھیار) نہیں تھا بلکہ خود کار ہتھیار سے برسٹ مارا گیا۔ اس بات پر دورائے نہیں کہ پی ٹی آئی رہنما بال بال بچے۔

اس سے قبل کارکنوں سے خطاب کرتے ہوئے فواد چوہدری نے کہا کہ ”عمران خان کے اوپر حملہ پاکستان پر حملہ ہے اور اس کا بدلہ لیا جائے گا۔“

انہوں نے شرکاء سے سوال کیا کہ ”ہمارے بچوں کا خون یہاں بہا ہے، ہمارے لیڈر کا خون یہاں بہا ہے ، بدلہ لوگے؟“

جس پر شرکاء کی جانب سے ”ہاں“ میں نعرہ لگایا گیا۔

فواد چوہدری نے کہا ”پاکستان تحریک انصاف کے لوگوں کو میں کہتا ہوں وعدہ کرو بدلہ لوگے۔“

ان کا مزید کہنا تھا کہ ”ہم امن کی پارٹی ہیں ہم بندوقوں کی پارٹی نہیں ہیں، ہمارے لیڈر کے اوپر بندوقوں سے حملہ کیا گیا۔ بزدل لوگ جو اس کے پیچھے ہیں وہ کان کھول کر سن لیں ہم اس کا بدلہ لیں گے، انشاء اللہ۔“

Azadi March Nov3 2022

Comments are closed on this story.

تبصرے

تبولا

Taboola ads will show in this div