پیمرا کی جانب سے عمران خان کی تقاریر پر پابندی کے حوالے سے وزیراطلاعات مریم اورنگزیب کا کہنا ہے کہ وزیراعظم نے عمران خان دور کی تلخ روایات ختم کرکے نئی روایت قائم کی۔

مریم اورنگزیب کا کہنا تھا کہ نوازشریف، مریم نواز اور دیگر رہنماؤں پر پابندیاں لگیں، عمران خان کے دور میں جو ہوا اس پر یقین نہیں رکھتے، ہم آزادی اظہار رائے پر یقین رکھتے ہیں۔

انہوں نے کہا کہ مخالفین کے خلاف عمران خان جو بولنا چاہیں بولیں، ہمارے خلاف عمران خان کی تقریرعوام تک پہنچے تاکہ عوام پر اس فتنے کی حقیقت واضح ہوتی جائے۔

ان کا کہنا تھا کہ عمران خان کے حامیوں کو جھوٹ کی حقیقت سمجھنا ہوگی، ہم جمہوری سوچ رکھتے ہیں، فاشسٹ عمران خان نہیں۔