ایران میں مظاہرین نے اسلامی جمہوریہ کے بانی روح اللہ خمینی کے آبائی گھر کو آگ لگا دی جس کی تصاویرسوشل میڈیا پر گردش کر رہی ہیں۔

مظاہرین اُس گھرکو نذر آتش کیا جس میں ایران کی اسلامی حکومت کے بانی روح اللہ خمینی کی پیدائش ہوئی تھی۔

بی بی سی کے مطابق خبررساں ایجنسیوں نے سوشل میڈیا پر گردش کرنے والی ویڈیوز کے مقام کی تصدیق کی ہے لیکن مقامی حکام نے مذکورہ واقعے کی تردید کرتے ہوئے کہا کہ آتشزدگی کا کوئی حملہ نہیں ہوا ہے۔

نذرآتش ہونے والے گھر سے متعلق کہا جاتا ہے کہ آیت اللہ خمینی اس گھر میں پیدا ہوئے تھے، جو اب ایک میوزیم ہے۔

واضح رہے روح اللہ خمینی 1979 میں ایران کے اسلامی انقلاب کے رہنما تھے، جنہوں نے ملک سے مغرب نواز حکمران شاہ محمد رضا پہلوی کو معزول کرکے اسلامی حکومت قائم کی تھی۔