Aaj News

ہیلی کاپٹر لینڈنگ پر تنازعے سے عمران خان کی راولپنڈی آمد غیر یقینی

ڈاکٹرز کی عمران خان کو سفر کی اجازت، شبلی فراز کی تردید
اپ ڈیٹ 25 نومبر 2022 09:24am
<p>تصویر بزریعہ سوشل میڈیا</p>

تصویر بزریعہ سوشل میڈیا

اسلام آباد انتظامیہ نے عمران خان کے ہیلی کاپٹر کو پیڈ گراؤںڈ میں لینڈنگ کی اجازت نہ دینے جب کہ پی ٹی آئی کو ریلی کی مشروط اجازت دینے کا فیصلہ کیا ہے۔

انتظامیہ کی جانب سے جاری کردہ نوٹیفکیشن کے مطابق انتظامیہ کا کہنا ہے کہ 6 شرائط پر مبنی پارٹی چیئرمین کا دستخط شدہ حلف کل نامہ جمع کرائیں، حلف نامہ جمع نہ کرایا تو ریلی کے لئے اجازت نامہ منسوخ بھی ہو جائے گا۔

اسلام آباد انتظامیہ نے کہا کہ مظاہرین کے لئے روٹ پلان بھی جاری کردیا ہے جس کے تحت ریلی کے شرکاء طے شدہ روٹس پرہی موومنٹ کر سکیں گے۔

اس سے قبل راولپنڈی پریڈ گراؤنڈ میں عمران خان کے ہیلی کاپٹر اتارنے کی اجازت کے معاملے پر جنرل ہیڈ کوارٹرز (جی ایچ کیو) کے اجازت کے حوالے سے جاری خط میں کہا گیا ہے کہ پریڈ گراؤنڈ سی ڈی اے کی حدود میں آتا ہے، ہمیں آپ کے ہیلی کاپٹر کے اترنے پر کوئی اعتراض نہیں، لہٰذا اجازت کے لئے سی ڈی اے یا حکومت سے رجوع کریں۔

دوسری جانب پاکستان تحریک انصاف کے رہنما شبلی فراز کا کہنا ہے کہ پریڈ گراؤنڈ میں ہیلی کاپٹر اتارنے کی اجازت نہیں دی گئی، عمران خان کی حالت اجازت نہیں دیتی کہ وہ کسی اور طریقے سے آئیں۔

تاہم، ڈاکٹرز نے چیئرمین پی ٹی آئی عمران خان کو سفر کی اجازت دے دی ہے۔

ڈاکٹر خالد نیازی کا کہنا ہے کہ عمران خان کی ٹانگ پر لگا پلاسٹراتار دیا گیا ہے اور ان کے گھٹنے سے اوپر والے زخم تقریباً ٹھیک ہیں جب کہ گھٹنے سے نیچے کے زخم ٹھیک ہونے میں ہفتہ لگے گا۔

shibli faraz

GHQ

imran khan

helicopter

Politics Nov24 2022

Comments are closed on this story.

مقبول ترین