Aaj News

جمعہ, مارچ 29, 2024  
18 Ramadan 1445  

ریاستی اداروں کیخلاف تقریر:پی ٹی آئی ایم پی اے کی ضمانت منظور

عدالت نے فضل الہی سمیت دیگرکارکنان کی بھی ضمانت منظورکرلی
اپ ڈیٹ 05 دسمبر 2022 12:38pm
رکن صوبائی اسمبلی فضل الہی، تصویر/ٹوئٹر
رکن صوبائی اسمبلی فضل الہی، تصویر/ٹوئٹر

پاکستان تحریک انصاف (پی ٹی آئی) کے رہنماؤں کی ریاستی اداروں کے خلاف تقاریرکرنے کے معاملے پررکن صوبائی اسمبلی کو ضمانت مل گئی۔

رواں ماہ 3 نومبر کو پی ٹی آئی چئیرمین عمران خان پر حملے کے بعد پی ٹی آئی کے رکن خیبرپختونخوا اسمبلی فضل الہی نے کارکنوں کے ہمراہ ریڈ زون میں احتجاج کیا تھا اور ریاستی اداروں کے خلاف مبینہ تقاریر کی تھیں۔

تقریر پرایم پی اے فضل الہی کے خلاف تھانہ شرقی میں مقدمہ درج کیا گیا تھا، پولیس نے ایم پی اے کی گرفتاری سے متعلق ڈپٹی اسپیکر خیبرپختونخوا اسمبلی کو بھی آگاہ کیا تھا۔

گرفتاری سے بچنے کیلئے فضل الہی نے عدالت سے رجوع کرتے ہوئے ایڈیشنل سیشن اینڈ ڈسٹرکٹ جج آفتاب اقبال کی عدالت میں قبل از گرفتاری ضمانت کیلئے درخواست دائر کی۔

عدالت نے فضل الہی کی قبل ازگرفتاری ضمانت منظور کرکے 60 ہزار روپے کے مچلکے جمع کرانے کے احکامات جاری کردئیے۔

فضل الہی نے میڈیا سے گفتگو میں کہا کہ عام لوگوں کے خلاف فوری مقدمات درج کئے جاتے ہیں لیکن بڑے لوگوں کے خلاف کوئی کارروائی نہیں ہوتی۔

انہوں نے کہا کہ پولیس نے انہیں گرفتار کرنے کی کئی کوششیں کی اور ان کے گھر پر چھاپے بھی مارے لیکن وہ اتنے آسانی سے ہاتھ آنے والے نہیں۔

imran khan

peshawar

Fazal Ellahi

Comments are closed on this story.

تبصرے

تبولا

Taboola ads will show in this div