بھارت نے پاکستان کی بلائنڈ کرکٹ ٹیم کو ویزے دینے سے انکار کردیا۔

بھارتی ہٹ دھرمی کے باعث پاکستان آج سے شروع ہونے والے بلائنڈ ورلڈ کپ میں شرکت سے محروم ہوگیا۔

اسلام آباد میں بھارتی ہائی کمیشن نے ویزے نہ دینے کے حوالے سے پاکستان کو باضابطہ طور پرآگاہ کردیا ہے۔

ویزے نہ دینے کے حوالے سے بھارتی ہائی کمیشن کا موقف ہے کہ پاکستان کے ساتھ کھیلوں کی سرگرمیاں نہیں ہورہیں اس لیے پاکستانی کھلاڑیوں کو ویزے جاری نہیں کیے جاسکتے۔

دوسری جانب پاکستان بلائنڈ کرکٹ ٹیم کو بھارت کی جانب سے ویزا دینے سے انکار پر پاکستان نے سخت مایوسی کا اظہار کیا ہے۔

ترجمان دفتر خارجہ ممتاز زہرا بلوچ کے مطابق بھارت کو مایوسی کا پیغام پہنچا دیا ہے، کھیلوں پر سیاست نہیں ہونی چاہیے۔

ٹیم نے بلائنڈٹی20ورلڈکپ میں شرکت کیلئے بھارت جاناتھا، جس کا آغازکل سے بھارت میں ہوچکا ہے۔