Aaj News

جمعہ, مارچ 29, 2024  
18 Ramadan 1445  

مسلم لیگ (ن) نے پہلے بھی ملک کو مشکلات سے نکالا ہے، اسحاق ڈار

اسحاق ڈارکی گورنر پنجاب سے ملاقات، ملکی سیاسی، معاشی صورتحال پر بھی تبادلہ خیال کیا
اپ ڈیٹ 11 دسمبر 2022 02:57pm
وزیرخزانہ اسحاق ڈارکی گورنر پنجاب محمد بلیغ الرحمان سے گورنر ہاؤس ملاقات ہوئی، تصویر نمائندہ آج نیوز
وزیرخزانہ اسحاق ڈارکی گورنر پنجاب محمد بلیغ الرحمان سے گورنر ہاؤس ملاقات ہوئی، تصویر نمائندہ آج نیوز

وفاقی وزیرخزانہ اسحاق ڈارنے کہا ہے کہ پچھلی حکومت کے دور میں ریکارڈ خسارہ اور بھاری قرضوں کی وجہ سے ملک میں معاشی بحران پیدا ہوا اور مسلم لیگ ن نے پہلے بھی ملک کو مشکلات سے نکالا ہے۔

اسحاق ڈار نے اِن خیالات کا اظہار گورنر پنجاب محمد بلیغ الرحمان سے گورنر ہاؤس میں ہونے والی ملاقات میں کیا جبکہ دونوں شخصیات نے ملک کی سیاسی اور معاشی صورتحال پر بھی تبادلہ خیال کیا گیا۔

وزیرخزانہ اسحاق ڈار نے کہا کہ 1999میں ملک کے دفاع کو ناقابل تسخیر بنانے کے لیے ایٹمی دھماکوں کے بعد معاشی پابندیوں کے باوجود اور لوڈ شیڈنگ کے اندھیرے ختم کرکے ملک کو معاشی ترقی کی راہ پر گامزن کیا تھا۔

وزیرخزانہ نے کہا کہ اب بھی وہی تجربہ کار ٹیم ملک میں معاشی بحران ختم کر کے معاشی استحکام کے لیے پرعزم ہے۔

گورنرپنجاب بلیغ الرحمن نے کہا کہ وزیر اعظم، پارٹی اور پوری قوم کی نگاہیں آپ پر ہیں، امید ہے آپ اور آپ کی پوری ٹیم جلد ملک کو معاشی مشکلات سے نکالے گی۔

بلیغ الرحمن کا کہنا تھا کہ ملک میں جلد ترقی کا سفر نئے عزم اور جذبے سے دوبارہ شروع ہوگا۔

PMLN

Ishaq Dar

pakistan economy

baligh ur rehman

Comments are closed on this story.

تبصرے

تبولا

Taboola ads will show in this div