Aaj News

جمعرات, مارچ 28, 2024  
17 Ramadan 1445  

پی ٹی آئی استعفوں کے معاملے پر اسپیکر قومی اسمبلی کو خط لکھے گی

مستعفیٰ ممبران کی تنخواہیں معطل ہیں، کسی کو تنخواہ نہیں مل رہی، فواد چوہدری
شائع 15 دسمبر 2022 12:13pm
فوٹو۔۔۔۔۔ آئی این پی
فوٹو۔۔۔۔۔ آئی این پی

پاکستان تحریک انصاف (پی ٹی آئی) نے اسپیکر قومی اسمبلی کو اپنے استعفوں کے حوالے سے آج خط لکھنے کا فیصلہ کیا ہے ۔

پی ٹی آئی کے اراکین قومی اسمبلی کے استعفوں کی تصدیق کے لئے اسپیکر قومی اسمبلی راجہ پرویز اشرف کو خط لکھا جائے گا۔

سماجی رابطے کی ویب سائٹ ٹوئٹر پر جاری بیان میں فواد چوہدری نے کہا کہ آج اسپیکر کو خط لکھا جا رہا ہے، جس میں کہا جائے گا کہ وقت بتائیں کب ممبران اسمبلی اپنے استعفوں کی تصدیق کے لئے ایک بار پھر آپ کے پاس آئیں تاکہ نیا انتخابی عمل شروع کیا جا سکے۔

ایک اور ٹویٹ میں فوادچوہدری نے کہا کہ گزشتہ روز سپریم کورٹ میں کہا گیا کہ تحریک انصاف کے ممبران اسمبلی نہیں آ رہے، تنخواہ لے رہے ہیں، جج صاحبان کو میڈیا پر آنے والی ہر خبر کو پہلے تصدیق کے عمل سے گزارنا چاہیئے۔

انہوں نے مزید کہا کہ حقیقت یہ ہے کہ یہ ایک اور حکومتی جھوٹ تھا مستعفیٰ ممبران کی تنخواہیں معطل ہیں، کسی ممبر کو تنخواہ نہیں مل رہی۔‏

pti

اسلام آباد

speaker national assembly

Letter

Raja Pervaiz Ashraf

Politics Dec15 2022

Comments are closed on this story.

تبصرے

تبولا

Taboola ads will show in this div