پاکستان پیپلز پارٹی (پی پی پی) کے رہنما منظور وسان کا کہنا ہے کہ 2023 میں عمران خان کا کوئی مستقبل نہیں، انہیں کسی دیوار کے اندر قید دیکھ رہا ہوں۔

کراچی میں میڈیا سے گفتگو میں مشیر زراعت سندھ منظور وسان نے پیش گوئی کی کہ نواز شریف اسی سال وطن واپس آئیں گے، نیا سال پیپلز پارٹی کے لئے بہتر ہوگا۔

ان کا کہنا تھا کہ عمران خان پر مصیبتیں منڈلاتی رہیں گی، انہیں سندھ یا بلوچستان کی جیلوں میں دیکھ رہا ہوں۔

منظور وسان نے کہا کہ ایم کیوایم آنکھیں نہیں دکھائے گی، ایم کیو ایم اور ہم ساتھ رہیں گے۔

انہوں نے مزید کہا کہ ہر پارٹی کا حق ہوتا ہے وہ اپنی ڈیمانڈ رکھے۔

سال 2023 کے حوالے سے انمہوں نے کہا کہ مزید معاشی مسائل سامنے آئیں گے۔