Aaj News

جمعرات, مارچ 28, 2024  
17 Ramadan 1445  

شاہ رخ خان کی فلم پٹھان کا ٹریلر لیک ! فلم سازوں کو جھٹکا

یہ فلم 25 جنوری 2023 کو ریلیز ہونے والی ہے
شائع 04 جنوری 2023 11:12pm

بالی ووڈ کنگ شاہ رخ خان اور دپیکا پڈوکون کی فلم پٹھان کا ٹریلر ریلیز سے قبل ہی سوشل میڈیا پر لیک ہوگیا ۔

شاہ رخ خان اور دیپیکا پاڈوکون اسٹارر فلم پٹھان اعلان کے بعد سے ہی چرچے ہورہے ہیں سب سے پہلے شاہ رخ خان فلم میں اپنے لُک کی وجہ سے خبروں کی زینت بنے، اس کے بعد فلم کا گانا بے شرم رنگ بھی تنازعات کا شکار ہوا۔

تاہم لمبے وقت تک تنازعات میں رہنے سے گانے بے شرم رنگ کو فائدہ ہوا اور اس گانے کو یوٹیوب پر اب تک 170 ملین ویوز مل چکے ہیں۔

اب پٹھان فلم کا ٹریلر ریلیز سے چند دن پہلے ہی لیک ہو گیا ہے جو سوشل میڈیا پر وائرل ہو رہا ہے۔

اس وائرل ٹریلر میں شاہ رخ خان ایکشن میں نظر آ رہے ہیں تاہم اس حوالے سے میکرز نے ابھی تک کوئی بیان نہیں دیا ہے۔

بالی ووڈ کنگ شاہ رخ خان نے شدت سے منتظرشائقین کیلئے اپنی سالگرہ والے دن فلم ’پٹھان‘ کا دوسرا ٹیزرجاری کیا تھا ۔

فلم میں شاہ رخ کے علاوہ دپیکا پڈوکون اور جان ابراہم بھی مرکزی کرداروں میں شامل ہیں۔

یہ فلم 25 جنوری 2023 کو ریلیز ہونے والی ہے فلم سے کنگ خان 4 سال بعد بڑی اسکرین پرواپسی کررہے ہیں جبکہ فلم کو ہندی تامل اورتیلگو زبان میں نشرکیا جائے گا۔

Shahrukh Khan

pathan

Comments are closed on this story.

تبصرے

تبولا

Taboola ads will show in this div