قلعہ سیف اللہ میں مسافر کوچ اور گاڑی کے درمیان تصادم سے 7افراد جاں بحق اور 10زخمی ہوگئے۔

لیویزذرائع کے مطابق بلوچستان کے علاقے قلعہ سیف اللہ میں خوفناک ٹریفک حادثہ پیش آیا، جہاں توراوسکی کے مقام پر سامنے سے آنے والی بس اور گاڑی کے درمیان تصادم ہوا ہے۔

حادثے میں 7 افراد جان کی بازی ہار گئے اور 10 شدید زخمی ہوئے، اطلاع ملنے پر امدادی ٹیمیں جائے وقوعہ پر پہنچیں، لاشوں اور زخمیوں کو قریبی اسپتال منتقل کیا گیا۔

حادثہ تیز رفتاری کے باعث پیش آیا، حادثے کا شکار مسافر بس کوئٹہ سے پنجاب جارہی تھی۔