Aaj News

پاکستان کی خواتین کرکٹ ٹیم کو پہلے ون ڈے میں آسٹریلیا کے ہاتھوں شکست

برسبین میں ہونے والا میچ بارش کے باعث 40 اوورز تک محدود
شائع 16 جنوری 2023 01:35pm

آسٹریلیا کی خواتین ٹیم نے پہلے ون ڈے میں پاکستان کو آٹھ وکٹوں سے شکست دے دی۔

برسبین میں ہونے والا میچ بارش کے باعث 40 اوورز تک محدود کردیا گیا جس میں پاکستان کی خواتین کرکٹ ٹیم نے8 وکٹوں پر 160 رنز اسکور کیے۔

جواب میں آسٹریلیا نے مطلوبہ ہدف باآسانی 29 ویں اوور میں حاصل کرلیا۔ لچ فیلڈ اور میک لیننگ نے نصف سنچریاں اسکورکیں۔

اس فتح سے میزبان ٹیم کو 3 ایک روزہ میچز کی سیریزمیں ایک صفر کی برتری حاصل ہوگئی ہے۔

پاکستان اور آسٹریلیا کی خواتین کرکٹ ٹیموں کے مابین دوسرا ون ڈے بدھ کو برسبین میں ہی کھیلا جائے گا۔

cricket

پاکستان

pakistan women cricket team

australia women

Comments are closed on this story.

مقبول ترین