Aaj News

جمعہ, مارچ 29, 2024  
18 Ramadan 1445  

ترکیہ، شام زلزلہ : سعودی فرمانروا اور ولی عہد کا متاثرین کو امداد پہنچانے کیلئے فضائی پُل قائم کرنے کا حکم

متاثرین کو طبی سامان، ادویہ ،رہائش کے لیے خیمے، خوراک کا فراہم کی جائے گی
شائع 08 فروری 2023 11:25am
تصویر/ اے پی پی ویب
تصویر/ اے پی پی ویب

سعودی فرمانروا اور ولی عہد نے شام اور ترکیہ میں تباہ کن زلزلے کے بعد متاثرین کو امداد پہنچانے کے لیے فضائی پُل قائم کرنے کا حکم دے دیا ہے۔

سعودی فرمانروا شاہ سلمان بن عبدالعزیز اور ولی عہد شہزادہ محمد بن سلمان نے شاہ سلمان انسانی امداد اور ریلیف مرکزکے ایس آر ای ایف کو زلزلے سے متاثرہ علاقوں میں فوری امداد مہیّا کرنے کے لیے فضائی پل قائم کرنے کی ہدایت کی ہے۔

سرکاری پریس ایجنسی کے مطابق اس فضائی پل کے ذریعے زلزلے سے متاثرہ شامی اور ترک عوام کو طبی سامان، ادویہ ،رہائش کے لیے خیمے، خوراک کا سامان مہیا کیا جائے گا ساتھ ہی یہ لاجسٹک معاونت بھی مہیّا کرے گا۔

دونوں ممالک میں زلزلے سے متاثرہ افراد کی امداد کے لیے ”سہیم“ پلیٹ فارم کے ذریعے ایک مہم کا انعقاد بھی شامل ہے۔

شاہی دیوان کے مشیراور کے ایس ریلیف کے نگران اعلیٰ ڈاکٹرعبداللہ بن عبدالعزیزنے اس بات کی تصدیق کی ہے کہ یہ امداد سعودی عرب کی جانب سے زلزلے سے متاثرہ افراد کے ساتھ مصیبت کی اس گھڑی میں شانہ بشانہ کھڑے ہونے کی خواہش کی مظہرہے۔

Saudia Arabia

earthquake

turkiye

Comments are closed on this story.

تبصرے

تبولا

Taboola ads will show in this div