Aaj News

جمعہ, مارچ 29, 2024  
18 Ramadan 1445  

شیخ رشید کی ضمانت بعد از گرفتاری کی درخواست سماعت کیلئے مقرر

اسلام آباد ہائیکورٹ میں درخواست ضمانت پر سماعت 13 فروری کو ہوگی
شائع 10 فروری 2023 11:31am
فوٹو۔۔۔اے ایف پی
فوٹو۔۔۔اے ایف پی

مقامی عدالت سے درخواست خارج ہونے کے بعد اب سابق وزیر داخلہ شیخ رشید نے اسلام آباد ہائیکورٹ میں ضمانت بعد از گرفتاری کی درخواست دائر کردی جو سماعت کے لئے مقرر کردی گئی ہے۔

اسلام آباد ہائیکورٹ میں دائر درخواست میں شیخ رشید نے مؤقف اپنایا کہ سیاسی انتقام کا نشانہ بنانے کے لئے مقدمات درج کیے جا رہے ہیں، آصف زردای کے خلاف بیان پر میرے خلاف مقدمہ درج کیا گیا، آصف زرداری نے کوئی شکایت نہیں کی، تیسرے فریق کی شکایت پر مقدمہ بنا۔

درخواست میں مزید کہا گیا ہے کہ جیل میں ہوں اب مزید کسی تفتیش کے لئے پولیس کو میری ضرورت نہیں، مچلکے جمع کروانے پر تیار ہوں، ضمانت منظور کی جائے۔

شیخ رشید کی درخواست ضمانت بعد از گرفتاری سماعت کے لئے مقرر ہو گئی ہے۔

اسلام آباد ہائیکورٹ میں شیخ رشید کی درخواست ضمانت پر سماعت 13 فروری بروز پیر کو ہوگی۔

درخواست ضمانت بعد از گرفتاری تھانہ آبپارہ میں درج مقدمے میں کی گئی ہے۔

یاد رہے کہ شیخ رشید کے آصف علی زرداری پر عمران خان کے قتل کی سازش کے بیان پر مقدمہ درج ہے۔

Sheikh Rasheed

Islamabad High Court

Awami Muslim League

islamabad local court

sheikh Rasheed arrested

Comments are closed on this story.

تبصرے

تبولا

Taboola ads will show in this div