Aaj News

جمعہ, مئ 24, 2024  
16 Dhul-Qadah 1445  

قدرت کا معجزہ: ترکیہ زلزلے کے ملبے میں 5 دن تک پھنسے دو ماہ کے بچے کو زندہ نکال لیا گیا

ترکیہ اور شام میں 6 فروری کو آنے والے زلزلے سے اموات کی تعداد 28 ہزار سے تجاوز کرگئی
شائع 12 فروری 2023 07:08pm
فوٹو — اسکرین گریب/ سوشل میڈیا
فوٹو — اسکرین گریب/ سوشل میڈیا

ترکیہ خوفناک زلزلے کے ملبے تلے پھنسے دو ماہ کے بچے کو 5 روز بعد ریسکیو کرلیا گیا ہے۔

ترک خبر ایجنسی کے مطابق ریسکیو ٹیم نے انطاکیہ شہر میں زلزلے کے 128 گھنٹے بعد دو ماہ کا بچے کو زندہ نکال لیا۔

مائیک ڈورائن نامی صارف نے ٹوئٹر پر ویڈیو پوسٹ کی جس کے کیپشن میں انہوں نے لکھا کہ دن کا ہیرو یہ ایک چھوٹا بچہ جسے زلزلے کے 128 گھنٹے بعد بچا لیا گیا جوکہ نہانے اور لذیذ لنچ کے بعد مطمئن ہے۔

اس ننّھے بچے کو 128 گھنٹوں بعد ریکسیو کیے جانے کو معجزہ قرار دیتے ہوئے ایک اور صارف نے اپنی ٹویٹ میں بچے سے عرض کیا کہ ہمیں بتائیں کہ آپ نے 128 گھنٹے صبر سے کیسے انتظار کیا۔

واضح رہے کہ ترکیہ اور شام میں 6 فروری کو آنے والے زلزلے سے اموات کی تعداد 28 ہزار سے تجاوز کرگئی ہیں۔

غیر ملکی خبر ایجنسی کے مطابق ترکیہ میں 24 ہزار 617 اور شام میں 3 ہزار 574 اموات ہوئی ہیں جب کہ زلزلے سے تباہ عمارتوں کے ملبے سے لوگوں کی تلاش کا عمل جاری ہے۔

earthquake

ٹویٹر

Rescue

turkiye