لاہورمیں مہنگائی نے عام آدمی کی کمر توڑنے کے ساتھ ہی مرغی کا گوشت بھی پہنچ سے دور کردیا ہے۔

ایک ماہ قبل ساڑھے 500 روپے فی کلو میں دستیاب مرغی کے گوشت کی قیمت اب 650 روپے سے بھی تجاوز کرگئی ہے۔

گوشت کی قیمت میں اضافے سے پریشان دکانداروں کا کہنا ہے کہ مرغی کی مہنگی خوراک نے پروڈکشن کم کردی ہے جس کی وجہ سے قیمتیں مزید بڑھ سکتی ہیں۔

شہریوں نے حکومت سے مطالبہ کیا ہے کہ اشیائے خوردونوش کی قیمتیں کنٹرول کرکے انہیں ریلیف فراہم کیا جائے۔