خان پور میں موٹروے ایم فائیو پر خوفناک حادثے میں 13 افراد جاں بحق اور متعدد زخمی ہوگئے۔

پولیس کے مطابق کار کا ٹائر پھٹنے سے کار اور مسافر بس میں خوفناک تصادم پیش آیا، قریب موجود بس کے مسافر زخمیوں کو ریسکیو کر رہے تھے کہ پیچھے سے آنے والے ٹرک نے دونوں گاڑیوں کے زخمیوں کو روند ڈالا۔

ریسکیو حکام کا کہنا ہے کہ حادثے میں اب تک 13 افراد جاں بحق جب کہ متعدد زخمی ہوئے ہیں، ریسکیو ٹیمیں اور پولیس کی بھاری نفری موقع پر موجود ہیں۔