پاکستان سپرلیگ میچوں کی سیکیورٹی پر ہزاروں پولیس افسران و اہلکاروں کی تعیناتی کے باوجود چور میچ دیکھنے والے شہری کی موٹرسائیکل لیکر کر فرار ہوگئے۔

لاہور کے تھانہ گلبرگ میں شہری فدا حسین کی مدعیت میں موٹرسائیکل چوری کا مقدمہ درج کرلیا گیا جس میں بتایا کہ شہری پارکنگ میں موٹرسائیکل کھڑی کرکے میچ دیکھنے گیا تھا۔

موٹرسائیکل چوری نے پی ایس ایل پر لاہور پولیس کے افسران کی سکیورٹی کا پول کھول دیا کہ سیکڑوں سی سی ٹی وی کیمروں نصب تھے لیکن پھر بھی شہری کی موٹرسائیکل چوری ہوگئی۔

اس سے پہلے لاہور کے قذافی اسٹیڈیم میں پی ایس ایل سیکیورٹی کے لیے نصب لاکھوں مالیت کے کیمرے اور فائبر کیبلز چوری ہوگئے تھے۔

چوروں نے روشنی کے لیے لگائے گئے جنریٹرز کی بیٹریاں تک لے اڑے، جبکہ جو کیمرے چوری ہوئے ان کی مانیٹرنگ کے لیے خصوصی کنٹرول روم تشکیل دیا گیا تھا۔