Aaj News

جمعرات, فروری 29, 2024  
18 Shaban 1445  

پاکستان بار کونسل کی الیکشن التواء کیس پر فُل کورٹ تشکیل دینے کی تجویز

سپریم کورٹ نے جس ایشو پر از خود نوٹس لیا وہ دو ہائی کورٹس میں زیر التواء تھا، پاکستان بار کونسل
شائع 28 مارچ 2023 11:02pm
فوٹو — فائل
فوٹو — فائل

اسلام آباد: پاکستان بار کونسل نے انتخابات التواء کیس پر فُل کورٹ تشکیل دینے کی تجویز دے دی۔

اعلامیے میں بار کونسل نے کہا کہ فل کورٹ ملک اور عوام کو انارکی سے محفوظ رکھنے کے لئے آئین کی تشریح کرے، فل کورٹ میں گذشتہ راونڈ میں مقدمے سے انکار کرنے والے دو ججز کو شامل نہ کیا جائے۔

یہ بھی پڑھیں: وقت آگیا چیف جسٹس آفس کا ون مین شو اختیار ختم کیا جائے، اختلافی نوٹ

پاکستان بار کونسل نے کہا کہ سیاسی جماعتیں ججز کی کردار کشی سے گریز اور سپریم کورٹ کے فیصلے پر رائے زنی کریں۔

اپنے اعلامیے میں بار کونسل نے سپریم کورٹ میں پولرائزیشن پر تشویش کا اظہار کرتے ہوئے کہا کہ سپریم کورٹ کو سیاسی معاملہ پر سو مو نوٹس لینے کی ضرورت نہیں تھی، جس ایشو پر از خود نوٹس لیا گیا وہ دو ہائی کورٹس میں زیر التواء تھا۔

پاکستان بار کونسل نے مزید کہا کہ سی سی پی او لاہور کے سروس میٹر میں الیکشن معاملہ کا از خود نوٹس لیا گیا، سو موٹو کیس سے اختلافی فیصلہ سامنے آیا جس سے اس کی تکریم میں کمی ہوئی۔

واضح رہے کہ پنجاب اور خیبرپختونخوا میں انتخابات ملتوی کرنے کے خلاف پی ٹی آئی کی درخواست پر آج سپریم کورٹ میں مسلسل دوسرے روز سماعت ہوئی۔

درخواست پر سماعت چیف جسٹس پاکستان جسٹس عمر عطاء بندیال کی سربراہی میں 5 رکنی بینچ کر رہا ہے، دیگر ارکان میں جسٹس اعجاز الاحسن، جسٹس منیب اختر، جسٹس امین الدین خان اور جسٹس جمال مندوخیل شامل ہیں۔

Supreme Court of Pakistan

pakistan bar council

Punjab KP Election Case

politics march 28 2023

Comments are closed on this story.

تبصرے

تبولا

Taboola ads will show in this div