ہندوتوا کے حامی انتہا پسندوں نے مودی سرکار کی خاطر ایک اور سیاہ باب رقم کردیا، انتہا پسندوں نے جھارکھنڈ میں ہزاری باغ کی جامع مسجد پر دھاوا بول دیا، مودی کی بہیمانہ مسلم دشمنی نے بھارت کو جہنم بنا دیا۔

انتہا پسندوں نے جامع مسجد کے دروازے کو توڑتے ہوئے مسلمانوں کے خلاف شدید نعرے بازی کی۔

میڈیا رپورٹس کے مطابق بھارت میں اقلیتوں کا رہنا ہمیشہ سے محال رہا ہے۔ ہندو مسلم اور ہندو سکھ فسادات پہلے ہی پورے بھارت کو اپنی لپیٹ میں لے چکے ہیں۔

سوال یہ پیدا ہوتا ہے کہ کیا مسلم دشمنی نے مودی کو اتنا اندھا کر دیا ہے کہ وہ مسلمانوں کے مقدسات اور ان کے بنیادی حقوق کو بھی فراموش کر گیا ہے؟

کیا اقوام متحدہ مودی کی بے حسی کا نوٹس لے گی؟

کیا مودی کے مسلمانوں اور سکھوں پر ظلم و زیادتی سے بھارت ٹکڑوں میں تقسیم ہو رہا ہے؟