آئین پاکستان کے 50 سال مکمل ہونے پرڈی چوک اسلام آباد میں 1973 کے آئین کی یادگار کا سنگ بنیاد رکھ دیا گیا ہے۔

ارکان پارلیمنٹ کی بڑی تعداد ڈی چوک پر تقریب میں شریک تھی جبکہ اسپیکر قومی اسمبلی راجا پرویز اشرف نے باغ دستورکا پودا بھی لگایا۔

اسپیکرقومی اسمبلی کا کہنا ہے کہ آج کا دن پاکستان کی تاریخ کا یادگار دن ہے اور گولڈن جوبلی تقریب میں شرکت اعزازکی بات ہے اور 1973میں پاکستان کا متفقہ آئین منظورکیا گیا تھا۔

انہوں نے کہا کہ شہید ذوالفقار بھٹو کی مدبرانہ صلاحیتوں کے باعث 73 کا آئین ملا اور کسی بھی ملک کا آئین اس کی تاریخ میں سنگ میل کی حیثیت رکھتا ہے۔