فیصل آباد میں تھانہ سول لائن پر نامعلوم افراد نے پتھراؤ کردیا، جس کے نتیجے میں عمارت کے شیشے ٹوٹ گئے جبکہ پولیس نے 5 افراد کو گرفتار کرکے تفتیش شروع کردی۔

کچہری بازار چوک میں واقع تھانہ سول لائن کی عمارت پر رات گئے نامعلوم افراد کی جانب سے پتھراؤ کیا گیا، جس سے تھانے کی عمارت کے شیشے ٹوٹ گئے۔

پولیس نے کچہری چوک سے 5 مشتبہ افراد کو حراست میں لے لیا، جن سے تفتیش جاری ہے جبکہ واقعے کا مقدمہ تاحال درج نہیں ہو سکا۔

پولیس کی جانب سے مزید تفصیلات سامنے نہیں آسکیں۔