لاہور میں جناح ہاؤس پر حملہ کرنے والے شرپسندوں کی شناخت کا سلسلہ جاری ہے، قانون نافذ کرنے والے اداروں نے جناح ہاؤس اور دیگر فوجی تنصیبات پر حملہ کرنے والے کچھ شر پسندوں کی شناخت کر لی اور دیگر کی شناخت کا سلسلہ جاری ہے۔

جناح ہاؤس کو جلانے، توڑ پھوڑ کرنے اور قیمتی اشیاء و دستاویزات چوری کرنے والے شرپسندوں کی نشاندہی کر کے اُن کے خلاف قانونی کاروائی کا آغاز ہو چکا ہے، اب تک بیشتر افراد کی شناخت ہو گئی ہے جنہوں نے کور کمانڈر ہاؤس کا جلاؤ گھیراؤ اور توڑ پھوڑ کی پرتشدد کارروائیوں میں حصہ لیا تھا جبکہ باقیوں کی شناخت کا سلسلہ جاری ہے۔

ان شرپسندوں کے خلاف انسداد دہشت گردی کے تحت ایف آئی ار درج کی گئی ہے، شرپسندوں میں اویس مشتاق ، عباد فاروق، محمد حاشر اور جہانزیب خان کی نشاندہی کر لی گئی ہے۔

حملہ آورمسلح ہونے کے علاوہ، ڈنڈے ، پتھروں اور پیٹرول بم سے بھی لیس تھے۔