Aaj News

بدھ, اپريل 24, 2024  
15 Shawwal 1445  

عمران خان رہائی کے بعد اسلام آباد سے زمان پارک پہنچ گئے

حلمیہ خان اور بھانجے سمیت کارکنوں نے چیئرمین پی ٹی آئی کا پرتپاک استقبال کیا
شائع 13 مئ 2023 08:31am
فوٹو۔۔۔۔۔۔۔۔۔ اسکرین گریب
فوٹو۔۔۔۔۔۔۔۔۔ اسکرین گریب

پاکستان تحریک انصاف کے چیئرمین عمران خان رہائی کے بعد اسلام آباد ہائیکورٹ سے زمان پارک لاہور پہنچ گئے۔

عمران خان قافلے کی صورت میں رات گئے زمان پارک میں اپنی رہائش گاہ پہنچے، جہاں ان کی بہن حلمیہ خان اور بھانجے سمیت کارکنوں نے پرتپاک استقبال کیا۔

چیئرمین پی ٹی آئی کو اسلام آباد سے آئی جی کی گاڑی میں ٹول پلازہ پہنچایا گیا، انہوں نے چکری ریسٹ روم میں تھوڑی دیر قیام کیا، بھیرہ سے عمران خان اپنی سیکیورٹی ٹیم کے ہمراہ بلٹ پروف گاڑی میں لاہور کے لیے روانہ ہوئے۔

رات گئے ٹھوکر نیاز بیگ پر کارکنوں کی بڑی تعداد نے اپنے قائد کا شاندار استقبال کیا، بھنگڑے ڈالے، آتشبازی کی اور پھولوں کی پتیاں نچھاور کیں۔

چیئرمین پی ٹی آئی عمران خان 5 گھنٹے کی تاخیر سے اسلام آباد ہائیکورٹ سے لاہور کے لیے روانہ ہوئے۔

اپنے وڈیو پیغام میں عمران خان نے کہا کہ آئی جی اسلام آباد نے روکنے کی پوری کوشش کی لیکن اللہ کا کرم ہے ہم لاہور کے لیے نکل چکے ہیں۔

انہوں نے کہا کہ آئی جی نے ہمیں کئی گھنٹے روکے روکھا اور کہتا رہا کہ باہر بہت خطرہ ہے لیکن پھر میں نے اسے کہا کہ میں پورے پاکستان کو بتاؤں کہ تم نے مجھے اغوا کر رکھا ہے اور پھر میرے دباؤ کے بعد ہمیں عدالت سے نکلنے کی اجازت ملی۔

عمران خان نے مزید کہا کہ ہم لاہور کے لیے نکلے تو سڑکیں خالی پڑی ہوئی تھیں اور کسی قسم کا خطرہ نہیں تھا۔

انہوں نے کہا کہ میرے راستے میں جو لوگ استقبال کے لیے کھڑے تھے میں ان کا شکریہ ادا کرتا ہوں۔

واضح رہے کہ اسلام آباد ہائیکورٹ نے عمران خان کو کسی بھی کرمنل کیس میں پیر تک ملک بھر سے گرفتار نہ کرنے کا حکم دیا ہے۔

pti

imran khan

lahore

Islamabad High Court

zaman park

imran khan arrested

Politics May 13 2023

Comments are closed on this story.

تبصرے

تبولا

Taboola ads will show in this div