Aaj News

منگل, مئ 21, 2024  
12 Dhul-Qadah 1445  

عمران خان کو اپنی لوٹ مار کا جواب دینا پڑے گا، عطاتارڑ

القادر ٹرسٹ کیس کرپشن کا سب سے بڑا اسکینڈل ہے، عطاتارڑ
اپ ڈیٹ 14 مئ 2023 05:08pm

وزیراعظم کے معاون خصوصی عطا تارڑ کا کہنا ہے کہ القادرٹرسٹ کیس کرپشن کا سب سے بڑا اسکینڈل ہے، عمران خان کو اپنی لوٹ مار کا جواب دینا پڑے گا۔

اسلام آباد میں پریس کانفرنس کرتے ہوئے معاون خصوصی وزیراعظم عطاتارڑ کا کہنا تھا کہ عمران خان نے ملک و قوم کے 60 ارب روپے لوٹے، اور کی کرپشن اور چوری پکڑی گئی ہے، عمران خان نے بند لفافے پر کابینہ سے منظوری لی، وزرا کو پتا بھی نہیں تھا کہ لفافے کے اندر کیا ہے۔

عطا تارڑ نے کہا کہ عمران خان نے قومی خزانے کو اربوں روپے کا نقصان پہنچایا، اور 458 کنال زمین القادر ٹرسٹ کے نام پر لی، جس کے ٹرسٹی خود عمران خان اور ان کی اہلیہ ہیں، القادرٹرسٹ کے کاغذات پر کسی اور کے دستخط نہیں بلکہ عمران خان اور بشری بی بی کے دستخط موجود ہیں۔ یہ میاں بیوی کے نام پر ایک جعلی ٹرسٹ ہے، کچھ زمین بنی گالہ میں فرح گوگی کے نام کروائی گئی۔

وفاقی وزیر کا کہنا تھا کہ القادرٹرسٹ کیس کرپشن کا سب سے بڑا اسکینڈل ہے، ’ 170 ملین پاونڈ جو ستر ارب روپیہ بنتا ہے وہ قومی خزانے میں جمع کروانے کے لیے بطور جرمانہ پاکستان بھجوایا گیا تھا اس پر عمران خان نے اپنی دکان کھول لی، اس بلیک منی کو وائٹ کرنے کے لیے ایک جھوٹا ٹرسٹ بنایا گیا، عمران خان کو اپنی لوٹ مار کا جواب دینا پڑے گا۔

معاون خصوصی کا کہنا تھا کہ عمران خان کی ہدایت پرشرپسندوں نے سرکاری املاک کو نقصان پہنچایا، اور جناح ہاؤس پر حملہ کیا۔

imran khan

Atta Tarrar

Al Qadir Scandal

Army offices attacked