وزیراعظم شہباز شریف 21 جون کو تین روزہ دورے پر فرانس و برطانیہ روانہ ہورہے ہیں۔

ذرائع کے مطابق وزیراعظم شہبازشریف 21 کو فرانس اور برطانیہ کا دورہ کریں گے، اس دورے میں وزیراعظم سمیٹ نیوگلوبل فنانسنگ پیکٹ میں شرکت او نوازشریف سے بھی ملاقات کریں گے۔

ذرائع کے مطابق وزیراعظم شہبازشریف 21 تا 23 جون تک فرانس کا دورہ کریں گے، سمیٹ نیو گلوبل فنانسنگ پیکٹ کی میزبانی فرانس کررہا ہے، سمیٹ کا انعقاد 22 اور23 جون کو ہو گا۔

وزیراعظم گلوبل سمیٹ کے دوران فرانسی صدرایمینول میکرن سے بھی ملاقات کریں گے، اور پاکستان میں سیلاب اور قدرتی آفات سے متعلق فریم ورک فورم پرپیش کریں گے۔

دورہ فرانس کے اختتام پروزیراعظم کی نوازشریف سے بھی ملاقات ہوگی، ملاقات میں پاکستان کی سیاسی صورتحال پربھی تبادلہ خیال ہوگا۔