Aaj News

پیر, مئ 27, 2024  
18 Dhul-Qadah 1445  

9 مئی کے واقعات میں ملوث افراد سے رعایت نہیں برتی جاسکتی، جاوید لطیف

چیئرمین پی ٹی آئی کی منصوبہ سازی ناکام ہوچکی، وفاق وزیر
شائع 22 جون 2023 11:35am
فوٹو۔۔۔۔۔۔۔ اسکرین گریب
فوٹو۔۔۔۔۔۔۔ اسکرین گریب

وفاقی وزیر میاں جاوید لطیف کا کہنا ہے کہ 9 مئی کے واقعات میں ملوث افراد سے رعایت نہیں برتی جاسکتی، چیئرمین پی ٹی آئی کی منصوبہ سازی ناکام ہوچکی۔

اسلام آباد میں پریس کانفرنس کرتے ہوئے وفاقی وزیر جاوید لطیف نے کہا کہ 10،9 مئی کے واقعات میں ملوث افراد سے رعایت نہیں برتی جاسکتی، 9 مئی کو شرپسندوں نے ریاستی اداروں کو نشانہ بنایا، ریاستی اداروں پر حملہ براہ راست ریاست پر حملہ ہوتا ہے۔

جاوید لطیف نے کہا کہ چیئرمین پی ٹی آئی کی منصوبہ سازی ناکام ہوچکی ہے، انہوں نے اداروں سے متعلق نوجوانوں کی غلط ذہن سازی کی، سازش کے تحت سی پیک پر کام کو روکا گیا۔

ان کا مزید کہنا تھا کہ 2013 میں بیروزگاری اور عدم استحکام تھا، نوازشریف نے بجلی کے کار خانے لگا کر روشنیاں بحال کیں، نوازشریف نے کراچی کا امن بحال کیا اور روزگار کے مواقع پیدا کیے۔

PMLN

اسلام آباد

imran khan

Federal Minister

Mian Javed Latif

MAY 9 RIOTS