نیشنل جیوگرافک نے مبینہ طور پر اپنے آخری اسٹاف رائٹر کو بھی نوکری سے نکال دیا ہے، اور اب یہ میگزین امریکی نیوز اسٹینڈز پر فروخت بھی نہیں کیا جائے گا۔

واشنگٹن پوسٹ کی رپورٹ کے مطابق، ادارتی عملے کے 19 ارکان کو برطرف کیا جاچکا ہے، جبکہ ان میں سے کئی نے ٹوئٹر پر اس خبر کی تصدیق بھی کی ہے۔

نیشنل جیوگرافک کے اب سابق سینئر مصنفین میں سے ایک، کریگ ویلچ نے ٹویٹ کیا، ’میں بہت خوش قسمت رہا ہوں، مجھے ناقابل یقین صحافیوں کے ساتھ کام کرنا پڑا اور سب سے اہم، عالمی کہانیاں سنانی پڑیں۔ یہ ایک اعزاز کی بات ہے‘۔

صحافی ڈوگ مین نے منگل کو ٹویٹر پر لکھا، ’نیشنل جیوگرافک مجھ سمیت اپنے عملے کے مصنفین کو فارغ کر رہا ہے۔‘

واشنگٹن پوسٹ نے رپورٹ کیا کہ مستقبل میں اب ادارتی کام فری لانس مصنفین اور عملہ پر باقی چند ایڈیٹرز کریں گے۔

نیشنل جیوگرافک نے میڈیا آؤٹ لیٹس کو بتایا کہ کچھ مصنفین عملے میں رہیں گے۔

اخبار کی رپورٹ کے مطابق، میگزین نیشنل جیوگرافک، پیرنٹ کمپنی ”ڈزنی“ کی جانب سے اخراجات میں کمی کے اقدامات کے ایک حصے کے طور پر اگلے سال سے امریکہ میں نیوز اسٹینڈز پر دستیاب نہیں ہوگا۔

تاہم ایک صدی سے زائد عرصے سے قدرتی دنیا اور عالمی انسانیت کو دستاویزی شکل دینے والے میگزین نے سی این این کو بتایا کہ وہ ماہانہ شمارے شائع کرتا رہے گا۔

یہ خبر حالیہ مہینوں میں میڈیا انڈسٹری کو ہلا کر رکھ دینے والی بڑی چھانٹیوں کے سلسلے کے درمیان سامنے آئی ہے۔

نومبر کے آخر میں، سی این این نے کمپنی کے مختلف شعبوں سے وابستہ سینکڑوں عملے کو فارغ کرنا شروع کیا۔