پاکستان انٹرنیشنل ائیر لائنز (پی آئی اے) کی کینیڈا جانے والی پرواز پی کے 797 کو لاہور ائیرپورٹ پر تکنیکی لینڈنگ کرنا پڑ گئی۔

ذرائع کا کہنا ہے کہ پرواز اتوار اور پیر کی درمیانی شب کو لاہور سے کینیڈا کے شہر ٹورنٹو کے لئے روانہ ہوئی تھی۔

ذرائع کے مطابق ہائیڈرولک سسٹم میں خرابی کے باعث جہاز کو روس کی فضائی حدود سے واپس بلوا کر علامہ اقبال انٹرنیشنل ایئر پورٹ پر لینڈ کیا گیا۔

پی آئی اے حکام کے مطابق جہاز پی کے 797 کی مرمت میں تاخیر کے سبب مسافروں کو متبادل پرواز سے ٹورنٹو کے لئے روانہ کیا جائے گا۔