کراچی کے علاقے سلطان آباد میں پانی، بجلی اور گیس کی بندش کے خلاف علاقہ مکینوں نے احتجاج کرتے ہوئے سڑک بلاک کردی۔

کراچی میں پانی، بجلی اور گیس کی بندش کے خلاف سلطان آباد کے شہری سراپا احتجاج ہیں۔

مظاہرین نے مولوی تمیزالدین روڈ کے دونوں ٹریک ٹریفک کے لیے بند کردیے، جس کے باعث اطراف کی سڑکوں پر ٹریفک جام ہوگیا اور گاڑیوں کی لمبی لمبی قطاریں لگ گئیں۔

احتجاج کے باعث دفاتر سے چھٹی کرکے گھر جانے والے مسافروں کو شدید پریشانی کا سامنا کرنا پڑا۔

احتجاجی مظاہرین نے پانی دو بجلی دو گیس دو کی نعرے بازی بھی کی۔