کچے میں پولیس نے آپریشن کرکے ایس ایچ او تھانہ کشمور گل محمد مہر کو بازیاب کرالیا۔

کندھ کوٹ میں کچے کے علاقے میں پولیس نے کامیاب آپریشن میں تھانہ کشمور کے ایس ایچ او گل محمد مہر کو بازیاب کرالیا ہے، چند روز قبل ڈاکوؤں نے ایس ایچ کشمور گل محمد اور دو پولیس اہلکاروں کو کندھ کوٹ کی حدود سے اغوا کر لیا تھا۔

پولیس کے مطابق آپریشن کے دوران پولیس کی فائرنگ سے ڈاکو فرار ہوگئے اور ڈاکوؤں کے ٹھکانے سے ایس ایچ او بازیاب کروالیا گیا۔

حکام کا کہنا ہے کہ ڈاکوؤں کے خلاف آپریشن تاحال جاری ہے، اور دیگر مغویوں کو بازیاب کرا لیا جائے گا۔