لاہور میٹروبس انتظامیہ نے پیٹرول بچانے کی غرض سے بس میں اے سی بند کردیا، جس پر عوام بلبلا اٹھے۔

لاہور میٹرو بس سروس مسافروں سے سہولیات چھیننے لگی ہے، اور میٹرو بس انتظامیہ نے پیٹرول بچانے کی غرض سے بس میں لگے اے سی بند کردیے ہیں جس پر شہری گرمی میں بے حال ہوگئے۔

میڑو پر سفر کرنے والے افراد اے سی بند ہونے پر بلبلا اٹھے، ان کا کہنا تھا کہ مسافروں کی تعداد زیادہ ہونے کی وجہ سے حبس بھی زیادہ ہوجاتی ہے، جب کہ حبس اور گرمی کی وجہ سے بیشتر مسافروں کا بہیوش ہونا معمول بن چکا ہے۔

شہریوں نے حکومت سے مطالبہ کیا ہے کہ انتظامیہ کی جانب سے اس اقدام پر فوری نوٹس لیتے ہوئے بہتر سہولیات کی فراہمی یقینی بنائی جائے۔