میزبان متھیرا نے کہا ہے کہ یوٹیوبر نادر اپنے پروگرام میں خواتین کو نیچا دکھانے کی کوشش کرتے ہیں ۔

حال ہی میں اپنے شو دی انسٹا شو میں یوٹیوبر مبین الحق کے ساتھ گفتگو کرتے ہوئے متھیرا نے نادر علی کے پوڈ کاسٹ کے بارے میں بات کی۔

انہوں نے کہا کہ نادر علی اپنے پوڈ کاسٹ خواتین سے غلط سوالات کے ذریعے انہیں ننیچا دکھانے کی کوشش کرتا ہے ۔

متھیرا نے کہا کہ ٹھیک ہے، مجھے لگتا ہے کہ وہ اخلاقیات کے بارے میں جانتا ہے، وہ جانتا ہے کہ یہ غلط ہے لیکن وہ ویوز اور ریٹنگ کی خاطر ایسے مواد کو جانے دیتا ہے۔

ان کا کہنا تھا کہ میں نے یہ چیز دیکھی ہے کیونکہ میں نے اسے انٹرویو دیا ہے اور میں نے محسوس کیا کہ وہ عام طور پر خواتین پر اعتراض کرتا ہے۔ وہ خواتین کو مناسب عزت اور جگہ نہیں دیتا۔

انہوں نے اپنا تجربہ شیئر کرتے ہوئے کہا کہ جب میں نے ان کے شو میں شرکت کی تو اس وقت میں نے بھی بہت سے ری ٹیک کیے کیونکہ ان کے سوالات نامناسب تھے اور جوابات ٹھیک نہیں آ رہے تھے۔

متھیرا نے مزید کہا کہ انہیں میزبان تابش ہاشمی کو انٹرویو دینا بہت پسند ہے کیونکہ تابش ہاشمی کا شو ایک روانی کے ساتھ ہوتا ہے ۔