سپریم کورٹ نے پنجاب انتخابات 14 مئی کو کروانے کے فیصلے کیخلاف الیکشن کمیشن کی نظر ثانی اپیل سماعت کیلئے مقرر کردی۔

سپریم کورٹ میں کیس کی سماعت 31 اگست کو ہوگی۔

چیف جسٹس پاکستان عمر عطا بندیال کی سربراہی میں قائم تین رکنی خصوصی بینچ سماعت کرے گا۔

جسٹس اعجاز الاحسن اور جسٹس منیب اختر بینچ میں شامل ہیں۔

الیکشن کمیشن سمیت تمام فریقین کو نوٹسز جاری کردیا گیا۔

واضح رہے کہ سپریم کورٹ نے پنجاب میں 14 مئی کو انتخابات کرانے کا حکم دیا تھا، الیکشن کمیشن نے فیصلے پر نظرثانی کی درخواست دائر کی تھی۔