Aaj News

بدھ, مئ 29, 2024  
20 Dhul-Qadah 1445  

پولیس نے قبضہ مافیا گروہ کے سرغنہ منشا بم کو گرفتار کرلیا

نگراں وزیرِ اعلیٰ پنجاب محسن نقوی نے قبضہ مافیا کی سرکوبی کی ہدایت کی تھی۔
شائع 13 ستمبر 2023 11:46pm

پنجاب میں قبضہ مافیا گروہ کے سرغنہ منشا بم کو گرفتار کرلیا گیا ہے۔

نگران وزیر اعلیٰ پنجاب محسن نقوی کے دورہ ایل ڈی اے کے موقع پر عوام نے شکایت کی تھی کہ منشا بم گروپ زمینوں پر قبضہ کرتا ہے، جس پر وزیر اعلیٰ نے سی سی پی او کو طلب کرکے منشا بم کو گرفتار کرنے کا کہا تھا۔

لاہور پولیس کے سربراہ کی ہدایات پر ایک خصوصی ٹیم نے منشا بم کو گرفتار کیا۔

نگراں وزیرِ اعلیٰ پنجاب محسن نقوی نے قبضہ مافیا کی سرکوبی کی ہدایت کی تھی۔

منشا بم کون ہے؟

ملک منشا کھوکر عرف منشا بم کو لاہور کے مہنگے علاقے جوہر ٹاؤن میں قبضہ گروپ کا سربراہ مانا جاتا ہے۔ جس پر قبضے، قتل، اقدام قتل اور پولیس پر فائرنگ کے کئی مقدمے درج ہیں۔ اس کے خلاف غیر قانونی طور پر زمین پر قبضہ کرنے کا پہلا مقدمہ 1982 میں درج کیا گیا تھا۔

پولیس ذرائع کے مطابق منشا بم غریبوں کی زمینیں زبردستی ہتھیانے میں ملوث رہا ہے۔ اقتدار میں موجود ہر سیاسی پارٹی کے ساتھ منشا کے اچھے تعلقات رہیں ہیں۔ ممبران پارلیمنٹ اس کی پشت پناہی کرتے ہیں۔

پولیس حکام نے نام سامنے نہ لانے کی شرط پر نجی ٹی وی کو بتایا تھا کہ منشا نے وکلاء کی ایک ٹیم بنا رکھی ہے جو اس کے خلاف مقدمات کو دیکھتی ہے۔ پنجاب حکومت کے دیگر محکموں میں بھی اس کا اثر رسوخ ہے۔

جو پولیس والا منشا کے خلاف مقدمہ درج کر لیتا ہے، یہ گروہ اس کو بے بنیاد مقدمات میں گھسیٹ لیتا ہے۔

Mansha Bomb