راولپنڈی کی تحصیل کہوٹہ سے تعلق رکھنے والے محمد ہمیش علی کیانی گمنام شہداء میں شامل ہیں۔ نوجوان کو پاکستان آرمی میں شامل ہو کر وطن کے لیے شہید ہونے کا شوق تھا۔

راولپنڈی کی تحصیل کہوٹہ سے تعلق رکھنے والے ہمیش کیانی جنوبی وزیرستان میں 17 جنوری 2014 کو ترقیاتی پروجیکٹ کی تکمیل میں مصروف تھے کہ دہشتگردوں نے حملہ کر دیا۔

اس حملے میں پاک فوج کے متعدد جوانوں سمیت محمد ہمیش علی کیانی بھی شہادت کے رتبے پر فائز ہوگئے۔

شہید کی والدہ کا کہنا ہے کہ، ’میرا بیٹا بہت دلیراوربہادرتھا، کہتا تھا میری شہادت کی دعا کرو‘۔

والد کے مطابق، ’ میرا ایک ہی بیٹا تھا جس کا مجھے بہت دکھ ہے، میرا بیٹا ہمیشہ کہتا تھا شہادت کی دعا کرو’۔

محمد ہمیش علی کیانی شہیدکے والد نے مزید کہا کہ ہماری فوج بہت قربانیاں دیتی ہے۔

شہداء کی یہ لازوال قربانیاں محفوظ اور ابھرتے پاکستان کی نوید سناتی ہیں۔