گزشتہ روز حکومت کی جانب سے ملک میں پیٹرول کی قیمت میں 26 روپے کا اضافہ کیا گیا جس پر عام شہری تو برہم تھے ہی اب شوبز شخصیات نے بھی شدید ردعمل کا اظہار کیا ہے۔

معروف رائٹر خلیل الرحمان قمر کا کہنا تھا کہ صرف 17 مہینوں میں 150 کا پیٹرول 333 کا ہوگیا ، پاکستانیوں معافی مانگ لو۔

معروف اداکار و کامیڈین سہیل احمد (عزیزی) نے ایکس پر پوسٹ میں کہا کہ حکمرانوں اللہ کا واسطہ ہے غریب کا خون مت نچوڑو، پیٹرول غریب بھی استعمال کرتا ہے۔ جن کے پاس کروڑوں روپے ہیں وہ بھی کہہ رہے ہیں کہ آئی ایم ایف کو راضی کرو۔

اداکارہ مشی خان نے کہا کہ لوگ ویسے ہی پریشان ہیں۔ زندگی اتنی مشکل ہوچکی ہے، اب پتا نہیں عوام کا کیا بنے گا، معاشی حالات کی وجہ سے جرائم بڑھ چکے ہیں، لوگوں کو کھانے اور زندگی گزارنے کے لالے پڑگئے ہیں۔

اداکارہ رابعہ کلثوم نے اپنی انسٹاگرام اسٹوری میں لکھا کہ ہمارا پیٹرول چاند پر جارہا ہے۔

اداکار عمیر رانا اور اداکارہ شگفتہ اعجاز نے اپنی اپنی انسٹا اسٹوری میں پیٹرول کی قیمت بڑھنے پر ردعمل دیا ۔