کراچی کے علاقے سُرجانی میں پولیس نے کارروائی کرتے ہوئے جماعت اسلامی کے کونسلر حبیب اللہ کے قتل میں ملوث ملزم کو گرفتار کرلیا۔

ایس ایس پی ویسٹ مہروز علی کے مطابق جماعت اسلامی کے کونسلر حبیب اللہ کے قتل میں ملوث ملزم امتیاز جونی کو خفیہ اطلاع پر کراچی سے گرفتار کیا گیا۔

گرفتار ملزم کی نشاندہی پر پولیس نے نامعلوم مقام پر چھاپہ مار کے ملزم کے ایک اور قریبی ساتھی کو بھی گرفتار کیا۔

پولیس کے مطابق فائرنگ کے واقعے میں 7 سے 8 ملزمان ملوث تھے۔

فائرنگ کا واقعہ بجلی کے کنڈوں کے تنازعے پر پیش آیا تھا، جس کے بعد ملزم گرفتار نہ کرنے پر ایڈیشنل آئی جی کراچی نے سابق ایس ایچ او کو معطل کیا تھا۔

گرفتار ملزمان کے باقی ساتھیوں کی تلاش جاری ہے۔