ایشین گیمز 2023 کے اسکواش ٹیم ٹورنامنٹ کے فائنل میں بھارت نے پاکستان کو ہرا کر گولڈ میڈل اپنے نام کرلیا۔

چینی شہر ہانگ زو میں جاری ایشین گیمز کے اسکواش ٹورنامنٹ فائنل میں پاک بھارت ٹاکرا ہوا جس میں بھارت پاکستان کے مقابلے 1-2 سے کامیاب ہوگیا۔

پہلے راؤنڈ میں بھارتی ٹیم نے 0-3 جب کہ دوسرے راؤنڈ میں قومی ٹیم نے بھارت کو 0-3 سے شکست دی اور میچ فائنل کی جانب گامزن ہوا۔

میچ کے تسیرے اور فیصلہ کُن راؤنڈ میں بھارتی کھلاڑی ابھے سنگھ نے اپنے مدمقابل پاکستانی اسکواش پلیئر زمان نور کو 2-3 سے ہرا کر گولڈ میڈل بھارت کے نام کردیا۔

پاکستان ٹیم نے ایشین گیمز اسکواش ٹورنامنٹ فائنل میں بھارت سے شکست کھانے کے بعد سلور میڈل حاصل کیا ہے۔